Թուրքիայում առգրավվել է երկրի պատմության մեջ հերոինի ամենամեծ խմբաքանակը. այն պատկանել է Թուրքիայի ամենախոշոր հարկատուներից մեկին (Photo)
10:20 , 9 դեկտեմբեր, 2018Թուրքիայում իրավապահներն առգրավել են երկրի պատմության մեջ հերոինի ամենամեծ խմբաքանակը, որն, ինչպես պարզվել է, պատկանել է Թուրքիայի ամենախոշոր հարկատուներից համարվող հայտնի գործարարներից մեկին, գրում է «Ջումհուրիյեթ» պարբերականը:
Նշվում է, որ բեռնատար մեքենայով փոխադրվող 1 տոննա 271 կգ հերոին տեսակի թմրանյութը փորձել են տեղափոխել Վանից դեպի Էրզինջան: Իրավապահները բեռնատարը կանգնեցրել են Էրզրում-Էրզինջան ավտոճանապարհին:
Պարզվել է՝ ուղեբեռի տերը Վանի ամենաազդեցիկ գործարարներից մեկն է, որը զբաղվում է թռչնամսի արտադրմամբ:
Թմրանյութն արդեն առգրավվել է, հարուցված քրեական գործի շրջանակներում ձերբակալվել է երկու մարդ:
