Սպիտակուցն ու կիտրոնի հյութը՝ մաշկի խնամքի միջոց

Ժամանակը սահում է, ժամանակի հետ՝ նաև երիտասարդությունը: Որոշ կանայք փորձում են ամեն կերպ վերադարձնել իրենց երիտասարդությունն ու ետ բերել երբեմնի ձիգ և հարթ մաշկը: Takprosto կայքն առաջարկում է մի դիմակ, որը կձգի մաշկն ու ետ կվերադարձնի կորցրած տասը տարիները:

Անգամ առաջին իսկ օգտագործումից հետո կզգաք, թե ինչ հզոր դիմակ է սա:

Ինչպե՞ս ձգել դեմքի մաշկը

Ի՞նչ է անհրաժեշտ

• 1 ձվի սպիտակուց
• Կես թ/գ կիտրոնի հյութ
• Կես թ/գ կոկոսի յուղ

Պատրաստման եղանակը

Միջին ձվի սպիտակուցն առանձնացրեք դեղնուցից: Սպիտակուցը տեղադրեք միջին չափսի տարայի մեջ և հարեք, մինչև սպիտակ փրփրոտ զանգված ստանաք: Սպիտակուցին ավելացրեք կիտրոնի հյութը, կոկոսի յուղն ու ևս մեկ անգամ ամբողջը լավ հարեք:

Դիմակը քսեք դեմքի և պարանոցի մաշկին: Թողեք մնա 5-10 րոպե, քանի դեռ ամբողջությամբ չի չորացել: Վերջում լվացվեք սովորական ջրով կամ խոտաբույսերի թուրմով:

Արդյունքի համար բավական է շաբաթական 2 անգամ կատարել պրոցեդուրան: