1988 թ.-ի երկրաշարժի 30-ամյա տարելիցի միջոցառումներին ներկա էր նաև Շառլ Ազնավուրի որդին (Photo)

Այսօր՝ երկրաշարժի 30-ամյա տարելիցին, Գյումրին մարդաշատ էր։ ՀՀ վարչապետի պաշտոնակատար Նիկոլ Փաշինյանը, ՀՀ կառավարության անդամները և նրանց ուղեկցող պաշտոնատար անձինք նախ շարժվեցին դեպի երկրաշարժի անմեղ զոհերի հիշատակը հավերժացնող հուշակոթող`Ամենափրկիչ եկեղեցու տարածք, այնուհետև Շիրակի թեմի առաջնորդ Գերաշնորհ Տ.Միքայել եպիսկոպոս Աջապահյանի կողմից մատուցվեց հոգեհանգստի կարգ։ Միջոցառումներին ներկա նաև ՀՀ Ազգային հերոս, մեծ շանսոնյե Շառլ Ազնավուրի որդին՝ Նիկոլան։

1988 թվականի երկրաշարժից հետո Շառլ Ազնավուրի հիմնադրած «Ազնավուրը Հայաստանին» բարեգործական հիմնադրամը («Aznavour pour l’Arménie») մշտապես աջակցություն է ցուցաբերել երկրաշարժից տուժածներին և շարունակում է ակտիվ գործունեություն ծավալել: 1993-ին հիմնադրամը գրասենյակ է բացել Երևանում: