Բրիտանիայում դեղագործին 30 տարվա ազատազրկման են դատապարտել սիրեկանի հետ փախչելու նպատակով իր կնոջը սպանելու համար

Մեծ Բրիտանիայի Միդլսբրո քաղաքում դեղագործ Միտեշ Պատելը սիրեկանի հետ համատեղ կյանք սկսելու նպատակով իր կնոջը սպանելու համար դատապարտվել է 30 տարվա ազատազրկման, հաղորդում է Sky News-ը:

Պատելը իր կնոջն ինսուլին է ներարկել, որից հետո խեղդել տանը եղած սուպերմարկետի փաթեթով: Այնուհետև նա զանգահարել է ոստիկանություն և հայտարարություն արել կողոպուտի վերաբերյալ՝ մեղքն իր վրայից հեռացնելու համար:

Հանցագործության բացահայտմանը նպաստել է ամուսինների հեռախոսների մեջ ներբեռնված «Առողջություն» հավելվածը, որի միջոցով հնարավոր է եղել ստուգել տղամարդու և կնոջ տեղաշարժը:

Դատարանի կողմից Պատելը մեղավոր է ճանաչվել և դատապարտվել ազատազրկման:

Պատելը որպես սպանության պատճառ նշել է ապահովագրությունից ստանալիք 2 միլիոն դոլարով սիրեկանի հետ Ավստրալիա մեկնելը և նոր կյանք սկսելը: