Իտալական խոհանոցի նրբագույն շոկոլադե տորթ «Օրեո»

Բաղադրամասեր

• Խմորի համար՝
• ձու - 2 հատ,
• շաքարավազ - 250 գ,
• ալյուր - 200 գ,
• կաթ - 150 մլ,
• կարագ - 100 գ,
• ջուր - 200 մլ,
• կակաոյի փոշի - 50 գ,
• սոդա - 2 թ/գ,
• փխրեցուցիչ - 2 թ/գ,
• Կրեմի համար՝
• կարագ - 200 գ,
• շաքարի փոշի - 150 գ,
• սերուցքային պանիր - 500 գ,
• թխվածքաբլիթ - 6-7 հատ

Պատրաստման եղանակը

• Ալյուրը (100 գ), սոդան (1 թ/գ), փխրեցուցիչն (1 թ/գ) ու կակաոյի փոշին (30 գ) անցկացնում ենք մաղով, այնուհետև ավելացնում ենք 120 գ շաքարավազն ու խառնում։
• Ավելացնում ենք 1 ձու, կաթի կեսը, ապա հարում ենք հարիչով, սակայն շատ ցածր արագությամբ՝ վերածելով միասեռ զանգվածի։
• Ստացված զանգվածին ավելացնում ենք 100 մլ եռացրած ջուրը, ապա խառնում ենք ու լցնում յուղաթղթապատ ձևամանի մեջ։ Եփում ենք 35 րոպե 175 աստիճան տաքացրած ջեռոցում։
• Նույն ձևով ու չափաբաժնով պատրաստում ենք տորթի երկրորդ խմորաշերտը։
• Պատրաստ լինելուց հետո երկու խմորաշերտերն էլ իրենց հերթին բաժանում ենք երկու մասի՝ ստանալով 4 շերտ։
• Պատրաստում ենք կրեմը, որի համար անհրաժեշտ փափկած կարագն ու շաքարի փոշին հարում ենք այնքան, մինչև ստացվի սպիտակ ու պինդ զանգված։
• Այնուհետև կամաց-կամաց ավելացնում ենք լավ սառած սերուցքային պանիրը և շարունակում ենք հարել։ Կրեմի ¼ մասն առանձնացնում ենք, իսկ մյուս մասին ավելացնում ենք մանրացրած թխվածքաբլիթներն ու խառնում ենք։
• Բոլոր խմորաշերտերը պատում ենք կրեմով, սակայն վերին շերտն ու կողային հատվածները պատում ենք առանձնացրած կրեմով։
• Տորթը զարդարում ենք մնացած կրեմով ու թխվածքաբլիթներով։