Ժամանակն է ցուցադրելու Ձեր խոհարարական ունակությունները․ պատրաստում ենք նմանը չունեցող փախլավա


15:30 , 26 նոյեմբեր, 2018

Բաղադրիչներ

  • խմոր ֆիլո - 15 շերտ
  • ընկույզ - 150 գ
  • պնդուկ - 75 գ
  • նուշ - 75 գ
  • շաքարավազ - 150 գ
  • կարագ - 200 գ (հալեցրած)
  • Օշարակի համար՝
  • ջուր - 300 մլ
  • մեղր - 100 գ
  • շաքարավազ - 200 գ

Պատրաստման եղանակը

Ընկույզը, պնդուկն ու նուշը բլենդերի մեջ մանրացնում ենք և խառնում շաքարավազի հետ։
paxlava-filo-xmorov-2
Խմորի 5 շերտերը (յուրաքանչյուրն առատորեն կարագով պատում ենք) շարում ենք իրար վրա։
paxlava-filo-xmorov-3
Լցնում ենք ընկուզային խառնուրդի կեսը։
paxlava-filo-xmorov-4
Մնացած 5 շերտերն էլ նույնպես կարագով առատորեն պատում ենք և դնում ընկույզի
շերտի վրա։ Լցնում ենք ընկուզային խառնուրդի մյուս կեսը և ծածկում մյուս 5 շերտերով` յուրաքանչյուր շերտը առատորեն հալեցրած կարագով պատելով։
Տապակի պարունակությունը խորանարդաձև կտրում ենք և մնացած կարագը լցնում ենք վրան։
paxlava-filo-xmorov-5
Փախլավան տեղափոխում ենք նախապես մինչև 200 աստիճան տաքացրած ջեռոցի մեջ և 40-45 րոպե թխում ենք, մինչև ոսկեգույն դառնա։ Քանի դեռ փախլավան թխվում է, պատրաստում ենք օշարակը։ Մեղրն ու շաքարավազը լցնում ենք կաթսայի մեջ, ավելացնում ենք ջուրը։
paxlava-filo-xmorov-6
Դնում ենք միջին ուժեղության կրակի վրա, հասցնում ենք եռման աստիճանի և 5 րոպե եփում ենք։ Կրակի տակն անջատում ենք։ Օշարակը հավասարապես լցնում ենք պատրաստի փախլավայի վրա և թողնում ենք՝ սառչի։
Մատուցում ենք։
paxlava-filo-xmorov-7

Փախլավա, որը կարող եք պատրաստել սովորական շերտավոր խմորով, վրան էլ կարող եք ընկույզներ շարել։