Սա պետք է լինի հեղափոխական ընտրություն հնի ու նորի միջև. «Լուսավոր Հայաստանը» Սյունիքում և Երևանում
13:00 , 26 նոյեմբեր, 2018Yerkir.am-ը գրում է.
«Lուսավոր Հայաստան» կուսակցությունը նախընտրական քարոզարշավն ինչպես և հայտարարել էր՝ անցկացնում է երեկ մակարդակով՝ համապետական, երևանյան և ռեյտինգային։ Կուսակցության առաջնորդ Էդմոն Մարուքյանի գլխավորությամբ համապետական քարոզարշավը մեկնարկել է Սյունիքի մարզից՝ Ագարակ քաղաքից, նախատեսված է այց Մեղրի, Քաջարան, Կապան և Գորիս: Իսկ երևանյան քարոզարշավը գլխավորում են Մանե Թանդիլյանը և Գևորգ Գորգիսյանը։ Այն սկսվել է Երևանի Նոր Նորք վարչական շրջանից՝ Գայի արձանի մոտակայքից:
«Սա պետք է լինի հեղափոխական ընտրություն հնի ու նորի միջև: Նոր Հայաստանում քաղաքական դաշտը պետք է ձևավորեն արդար ուղի անցած քաղաքական ուժերը: Այդ ընտրությունը շատ հստակ է լինելու, ամբողջ երեք տարի ձեզ համար աշխատած «Լուսավոր Հայաստան» կուսակցությունը պատվով անցել է քաղաքական կարճ, բայց բովանդակալից ճանապարհը»,-ասել է Մանե Թանդիլյանը: