Operativ.am-ը գրում է
Մեքսիկական Գեռերո նահանգում հումանիտար օգնություն բաժանելիս հանցագործների հարձակման հետևանքով սպանվել են երեք ոստիկաններ և Կարմիր խաչի աշխատակիցը՝ տեղեկացնում է ՌԻԱ Նովոստին։
Հարձակումը տեղի է ունեցել այն ժամանակ, երբ օգնությունը ոստիկանների ուղեկցությամբ հասել է Սան Խուան Տեներիա քաղաք։ Մոտ 20 հանցագործներ հինգ ավտոմեքենաներով եկել են այնտեղ և կրակ բացել։ Հարձակման պատճատները դեռևս հայտնի չեն։
Գեռերոյի դատախազ Խորխե Դե Սանտոսը խոստացել է, որ մեղավորներին կգտնեն, և նրանք կստանան իրենց պատիժը։
Վերջին տարիներին Մեքսիկայում բռնությունները հաճախակիացել են։ Սպանությունների թվով առաջին տեղում Մեխիկո նահանգն է՝ 1 տարվա ընթացքում 3000 սպանություն։ Երկրորդ տեղում Գեռերոն է՝ 2600 սպանություն։