Ալիևի այցը հարաբերությունների կառուցման հարցում նոր քայլ է. Լուկաշենկո
13:10 , 19 նոյեմբեր, 2018Yerkir.am-ը գրում է.
Ադրբեջանի նախագահ Իլհամ Ալիևի այցը Բելառուս երկկողմ հարաբերությունների կառուցման գործում նոր քայլ է: Այդ մասին Ալիևի հետ հանդիպման ժամանակ ասել է Բելառուսի նախագահ Ալեքսանդր Լուկաշենկոն. հայտնում է БЕЛТА-ն:
«Բելառուսը սպասում էր Ձեզ: Ձեր այցի նկատմամբ հետաքրքրությունը մեծ էր: Շատ ենք խոսել Ադրբեջանի մասին»,- նշել է նա:
«Մեզ մոտ լավ հարաբերություններ են բոլոր ոլորտներում՝ և՛ առևտրատնտեսական, և՛ քաղաքական, և՛ ռազմական: Սակայն դեռ ձգտելու և այս հարաբերություններին ավելացնելու բան կա»,- ասել է Լուկաշենկոն: