Մեր ռազմական թատերաբեմում կործանիչ ավիացիան անելիք չունի. Արթուր Աղաբեկյան


04:30 , 13 նոյեմբեր, 2018

Պաշտպանության նախկին փոխնախարար Արթուր Աղաբեկյանը կարծում է, որ Հայաստանը կործանիչ ավիացիայի կարիք չունի: Նա Ֆեյսբուքի իր էջում գրել է. «Այսօր լսեցի Պաշտպանության նախարարի խոսքը, որ մենք պատրաստվում ենք ձեռք բերել ռազմական կործանիչ ավիացիա։

Պարտքս եմ համարում բարձրաձայնել, որ մեր ռազմական թատերաբեմում, ինչպես երեկ կործանիչ ավիացիան անելիք չուներ, այնպես էլ՝ այսօր չունի։ Առավել ևս, մեր օրերում՝ բարձր տեխնոլոգիաների արագ զարգացման պայմաններում, նրա կիրառումը գրեթե դառնալու է անհնար՝ ցանկացած թատերաբեմում։

Ի դեպ, այս կարծիքին է նաև Ռուսաստանի քաղաքական ղեկավարությունը»։