Թուրքիայի քրդամետ պատգամավորը բանտում անժամկետ հացադուլ է հայտարարել
11:50 , 8 նոյեմբեր, 2018Yerkir.am-ը գրում է.
Թուրքիայի քրդամետ Ժողովուրդների դեմոկրատական կուսակցության` Հաքքարիից ընտրված պատգամավոր Լեյլա Գյուվենը բանտում անժամկետ հացադուլ է հայտարարել:
Ըստ IHA-ի` դեռևս հունվարի 31-ին ձերբակալված պատգամավորն այս որոշումը կայացրել է այն բանից հետո, երբ նոյեմբերի 7-ին դատարանը մերժել է նրան ազատ արձակելու պահանջը:
Նշենք, որ Գյուվենը մեղադրվում է «ժողովրդի մեջ քինախնդրություն և թշնամանք տարածելու» մեջ և Սիրիայում Թուրքիայի իրականացրած «Ձիթենու ճյուղ» գործողության վերաբերյալ սոցցանցում կատարած գրառումների համար: Նրան սպառնում է 17 տարի 6 ամսից մինչև 31 տարի 6 ամիս ազատազրկում: