Ցանկանո՞ւմ եք համեղ հյուրասիրություն ապահովել, ուրեմն՝ պատրաստեք մեղրով այս բիսկվիթային թխվածքը
10:52 , 8 նոյեմբեր, 2018Բաղադրիչներ
- Բիսկվիթի համար՝
- ձու - 6 հատ
- շաքարավազ - 160 գ
- մեղր - 2 ճ/գ
- ալյուր - 190 գ
- Միջուկի համար՝
- խտացրած կաթ եփված - 1 տուփ
- կարագ - 150 գ
- Ջնարակի համար՝
- շաքարավազ - 4 ճ/գ
- ջուր - 6 ճ/գ
- կակաո - 20 գ
- կարագ - 30 գ
Պատրաստման եղանակը
- Ձվերը, շաքարավազն ու մեղրը նվազագույնը 10 րոպե հարում ենք, մինչ ստանանք խիտ սպիտակ զանգված (խմորը մոտ 4 անգամ պետք է ավելանա), այնուհետև զգուշորեն ալյուր ենք լցնում և վերից վար շարժումներով խառնում:
Լցնում ենք ձևամանի մեջ:
Թխում ենք 170-180 աստիճան տաքացրած ջեռոցում: Փայտիկով փորձում ենք․ եթե այն բիսկվիթի միջից չոր դուրս գա, ուրեմն՝ խմորը պատրաստ է:
Խմորը սառեցնում ենք, այնուհետև ձևամանից հանում:
Եփած խտացրած կաթը հարում ենք 150 գ կարագի հետ: Բիսկվիթը բաժանում ենք 3 շերտի և յուրաքանչյուր շերտը պատում կրեմով: Վերջին շերտի վրա կրեմ չենք քսում:
Պատրաստում ենք ջնարակը: Կարագը լցնում ենք կաթսայի մեջ և հալեցնում, ավելացնում ենք շաքարավազը, ջուրն ու կակաոն։ Մոտ մեկ րոպե թույլ կրակի վրա անընդհատ խառնելով եփում ենք, որպեսզի գնդիկներ չմնան։
Տորթի վերևամասում ջնարակ ենք լցնում և մեջտեղի հատվածում ընկույզ ցանում: Կարող ենք անմիջապես համտեսել:
Բարի ախորժակ:
Ի դեպ, կարող եք բիսկվիթ պատաստելիս ձվի սպիտակուցներն ու դեղնուցներն առանձին հարել, այնուհետև միացնել իրար։