Ստեփանակերտը «շանտաժ» է որակում Բաքվի առաջարկությունը գերիներին ու ձերբակալվածներին «բոլորին բոլորի հետ» սկզբունքով փոխանակելու վերաբերյալ

Aysor.am-ը գրում է.

Հանցագործություն, ահաբեկչություն կատարած ադրբեջանցի դիվերսանտներ Դիլհամ Ասկերովին ու Շահբազ Գուլիևին ո՛չ բարոյապես, ո՛չ իրավական տեսանկյունից չի կարելի նույն հարթության մեջ դիտարկել պատահաբար Ադրբեջանում հայտնված ՀՀ քաղաքացիների հետ, Aysor.am-ի հետ զրույցում ասաց ԼՂՀ նախագահի մամուլի քարտուղար Դավիթ Բաբայանն՝ անդրադառնալով «Ինտերֆաքս-Ադրբեջանի» հրապարակմանը, ըստ որի Ադրբեջանը Հայաստանին առաջարկել է փոխանակել գերիներին ու ձերբակալվածներին «բոլորին բոլորի հետ» սկզբունքով։

Գործակալությունը տեղեկությունը հրապարակել էր՝ հղում անելով աղբյուրին։

«Նախ տեղեկատվության հավաստիության վերաբերյալ չեմ կարող ասել, համենայնդեպս, Արցախին, Ստեփանակերտին նման դիմում, առաջարկ չի եղել», - ասաց Դավիթ Բաբայանը՝ շարունակելով.
 
«Իսկ եթե խոսքը վերաբերում է Գուլիևին և Ասքերովին, ապա այդ մարդիկ մարդասպաններ ու ահաբեկիչներ են, իսկ ադրբեջանական կողմում գտնվող մարդիկ պատահական մարդիկ են, ում Ադրբեջանը պարտավոր է բաց թողնել՝ ըստ միջազգային նորմերի և օրենքների»։

Ամբողջական հոդվածը կարող եք կարդալ այստեղ։