Հրանտ փիղը՝ BBC-ի փաստավավերագրական ֆիլմի հերոս
20:20 , 1 նոյեմբեր, 2018Բրիտանական BBC հեռուստառադիոկորպորացիան վայրի բնության մասին նոր փաստավավերագրական ֆիլմ է նկարահանում: Ֆիլմի հերոսներից մեկը Երևանի կենդանաբանական այգուց Թբիլիսի տեղափոխված Հրանտ փիղն է, գրում է netgazeti.ge-ն:
Big Animal Surgery խորագրով ֆիլմը խոշոր կենդանիների վիրահատության մասին է:
BBC-ի նկարահանող խումբը Թբիլիսիի կենդանաբանական այգում նկարահանել է, թե ինչպես են վիրահատում Հրանտի՝ երկրորդ կոտրված ժանիքը: Փղին երեք ժամ վիրահատել են վրացի և արտասահմանցի մասնագետները:
Նշենք, որ փիղն առաջին անգամ ժանիքի հեռացման վիրահատություն է տարել 2014-ին, Երևանից Թբիլիսի տեղափոխվելուց հետո: