ԱԺ-ում հատուկ նիստ է գումարվել. օրակարգում վարչապետի ընտրության հարցի քննարկումն է. ուղիղ
13:37 , 1 նոյեմբեր, 2018 Ազգային ժողովի պատգամավորների 1/3-ը Նիկոլ Փաշինյանին առաջադրել է վարչապետի թեկնածու:
Վարչապետի 2-րդ ընտրության համար Սահմանադրությամբ նախատեսված փուլի յոթնօրյա ժամկետի վերջին օրը՝ ժամը 12։00-ին, իրավունքի ուժով գումարվել է Ազգային ժողովի հատուկ նիստ՝ այս հարցի վերաբերյալ որոշում կայացնելու նպատակով:
Այսօր տեղի է ունենալու վարչապետի 2-րդ փուլով քվեարկություն, որի արդյունքում վարչապետ չընտրվելու դեպքում Ազգային ժողովն արձակվում է իրավունքի ուժով, որի մասով հանրապետության նախագահն ընդունում է հրամանագիր՝ Ազգային ժողովն արձակելու և դրա արտահերթ ընտրություն նշանակելու մասին:
Նշենք, որ Նիկոլ Փաշինյանի թեկնածությունն առաջադրել են «Ելք», «Ծառուկյան դաշինք» խմբակցությունները և ՀՀԿ-ի քաղաքական թիմից հեռացած 4 պատգամավոր՝ Արսեն Միխայլովը, Կնյազ Հասանովը, Տաճատ Վարդապետյանն ու Շիրակ Թորոսյանը: