Իրանի նավթի նախարար. ԱՄՆ-ի հակաիրանական պատժամիջոցները անկայուն կպահեն նավթաշուկան

Aysor.am-ը գրում է.

Նավթի համաշխարհային շուկան անկայուն կմնա այնքան ժամանակ, քանի դեռ կգործեն Վաշինգտոնի պատժամիջոցները Թեհրանի դեմ, հայտարարել է Իրանի նավթի նախարար Բիժան Նամդար Զանգանեն:

«Այնքան ժամանակ, քանի դեռ ԱՄՆ-ը կպահպանի նավթային պատժամիջոցները Իրանի՝ ածխաջրածինների խոշորագույն համաշխարհային մատակարարներից մեկի դեմ, վառելիքի շուկայում անկայունություն կդիտվի»,- Զանգանեի խոսքը մեջբերել է Tasnim գործակալույթունը: Նախարարն ընդգծել է, որ «ոչ մի երկիր ի զորու չէ Իրանի բաժինը փոխարինել նավթի համաշխարհային շուկայում»:

Նա նշել է, որ իրանական նավթի արտահանումը զրոյացնելը, ինչին ձգտում է հասնել ԱՄՆ-ի վարչակազմը, անհնարին է: «Մենք աչքի ենք ընկնում նրանով, որ կայուն մեր հաճախորդներին ապահովում ենք վառելիքով», - ասել է Զանգանեն:

Ամբողջական հոդվածը կարող եք կարդալ այստեղ։