Կանադայի խանութներում մարիխուանայի օրինականացումից երկու օր անց կանեփը վերջացել է: Այս մասին գրում է The Independent-ը:
Տորոնտոյի նախկին ոստիկանապետ, իսկ այժմ մարիխուանայի պետական ծրագրի օրինականացման ղեկավար Բիլ Բլերի խոսքով՝ երկիրը չի կարողացել բավարարել բնակչության պահանջարկը, իսկ խանութներ բավարար քանակությամբ կանեփ չեն տարել:
Խանութները, որտեղ մարիխուանա են վաճառում, անգամ ոստիկանություն են կանչում՝ հերթերը հաղթահարելու և հիասթափված մարդկանց համոզելու համար, որոնց ոչինչ բաժին չի ընկել:
«Գիտեք, մենք սպասում էինք, որ որոշ տեսակներ կարող են վերջանալ և մի փոքր պակասուրդ կլինի: Բայց նրանք (մատակարարները) բավականին լավ ենթակառուցվածք ունեն, և ես վստահ եմ, որ այն կգործի»,-ասել է Բլերը:
Կանադայի վիճակագրական վարչության տվյալներով՝ 2018-ին 5.4 մլն կանադացիներ օրինական կերպով կանեփ կգնեն, ինչը կազմում է բնակչության շուրջ 15 տոկոսը: