Պատրաստում ենք մեր մանկության ամենահամեղ քաղցրավենիքներից մեկը՝ կաթնային կորժիկներ
10:52 , 22 հոկտեմբեր, 2018Բաղադրիչներ
- ալյուր - 400-450 գ
- շաքարավազ - 200 գ
- կաթ - 100 մլ
- կարագ - 100 գ
- ձու - 1 հատ
- վանիլին - 10 գ
- փխրեցուցիչ - 1/2 թ/գ
- Վրան քսելու համար՝
- ձու - 1 հատ (դեղնուց)
- ջուր
Պատրաստման եղանակը
Շաքարավազը, վանիլինը և կաթը լցնում ենք հաստ պատերով, բայց ոչ մեծ կաթսայի մեջ։ Խառնելով հասցնում ենք եռման աստիճանի և մի քանի րոպե շարունակում եռացնել թույլ կրակի վրա, հետո սառեցնում ենք, ինչից հետո ստացվում է փոքր-ինչ կպչուն շաքարի օշարակ։ Փափուկ կարագը և ձուն մի փոքր հարիչով հարում ենք։
Շարունակում ենք հարել։ Բարակ շիթով ավելացնեում ենք օշարակը։ Ալյուրին ավելացնում ենք փխրեցուցիչը, ապա ավելացնում ենք ընդհանուր զանգվածին և խառնում գդալով։ Պետք է ստացվի փափուկ, շոշափելու համար հաճելի, ձեռքերին չկպչող, բայց, միաժամանակ, ոչ ձիգ և ենթարկվող խմոր։
Ստացված խմորը գրտնակում ենք մոտավորապես 7 մմ հաստությամբ, ձևամանով շրջաններ ենք կտրում։ Տրամագիծը կարող է լինել մոտավորապես 10 սմ։ Եթե ձեռքի տակ ձևաման չկա, կարող ենք կտրատել մեծ գավաթով։ Շրջանները դնում ենք յուղաթղթով ծածկված տապակի վրա։ Դեղնուցը խառնում ենք ջրի հետ և վրձնով քսում կորժիկների մակերեսին։ Ցանկության դեպքում կարող ենք պատառաքաղով նախշեր անել։ Կորժիկների մի մասի վրա կարող ենք նաև մանրացրած նուշ շաղ տալ։ Նուշը պետք է ձեռքով մի փոքր սեղմել խմորին։
Տապակը դնում ենք նախապես մինչև 220 աստիճան տաքացված ջեռոցի մեջ և թխում մոտավորապես 10-15 րոպե։ Կախված մեր ջեռոցից՝ թխման տևողությունը կարող է տարբերվել։ Կարող ենք կողմնորոշվել կորժիկների գույնով. դրանք պետք է կարմրեն կենտրոնում մի փոքր ավելի քիչ, քան եզրերում։ Եթե սիրում ենք խրթխրթան, ապա կարող ենք երկար թողնել։ Պատրաստի կորժիկները թողնում ենք՝ սառչեն։
Շարունակում ենք հարել։ Բարակ շիթով ավելացնեում ենք օշարակը։ Ալյուրին ավելացնում ենք փխրեցուցիչը, ապա ավելացնում ենք ընդհանուր զանգվածին և խառնում գդալով։ Պետք է ստացվի փափուկ, շոշափելու համար հաճելի, ձեռքերին չկպչող, բայց, միաժամանակ, ոչ ձիգ և ենթարկվող խմոր։
Ստացված խմորը գրտնակում ենք մոտավորապես 7 մմ հաստությամբ, ձևամանով շրջաններ ենք կտրում։ Տրամագիծը կարող է լինել մոտավորապես 10 սմ։ Եթե ձեռքի տակ ձևաման չկա, կարող ենք կտրատել մեծ գավաթով։ Շրջանները դնում ենք յուղաթղթով ծածկված տապակի վրա։ Դեղնուցը խառնում ենք ջրի հետ և վրձնով քսում կորժիկների մակերեսին։ Ցանկության դեպքում կարող ենք պատառաքաղով նախշեր անել։ Կորժիկների մի մասի վրա կարող ենք նաև մանրացրած նուշ շաղ տալ։ Նուշը պետք է ձեռքով մի փոքր սեղմել խմորին։
Տապակը դնում ենք նախապես մինչև 220 աստիճան տաքացված ջեռոցի մեջ և թխում մոտավորապես 10-15 րոպե։ Կախված մեր ջեռոցից՝ թխման տևողությունը կարող է տարբերվել։ Կարող ենք կողմնորոշվել կորժիկների գույնով. դրանք պետք է կարմրեն կենտրոնում մի փոքր ավելի քիչ, քան եզրերում։ Եթե սիրում ենք խրթխրթան, ապա կարող ենք երկար թողնել։ Պատրաստի կորժիկները թողնում ենք՝ սառչեն։
Նուրբ, փափուկ ու խրթխրթան կորժիկի բաղադրատոմս` մեր մանկությունից։ Այսպիսի կաթնային կորժիկները ծանոթ են շատերին, քանի որ շատ տեղերում են վաճառվում։ Այսպիսի կորժիկներ կարելի է պատրաստել նաև տանը, և դրանց պատրաստման ընթացքը շատ հեշտ է։ Տնտեսապես շահավետ է և, իհարկե, շատ համեղ։