Քրեական հեղինակություն Արտյոմ Կանեւսկոյը 20 միլիոն դրամ գրավի դիմաց ազատ է արձակվել
15:40 , 17 հոկտեմբեր, 2018Armtimes.com-ը գրում է.
Քրեական հեղինակություն Արտյոմ Կանեւսկոյ (Հարությունյան) օրեր առաջ՝ հոկտեմբերի 10-ին 20 միլիոն դրամ գրավի դիմաց ազատ է արձակվել:
Տեղեկությունը մեր զրույցում հաստատեց նրա պաշտպան Վարդուհի Էլբակյանը:
Նշենք, որ Արտյոմ Հարությունյանը մեղադրվում է անձնագիր կեղծելուն դրդելու մեջ՝ ՀՀ ՔՕ 38-308–րդ հոդված 1-ին մասի հատկանիշներով (պաշտոնեական լիազորությունները չարաշահելուն դրդելը):
Ըստ մեղադրանքի՝ Հարությունյանը դրդել է պաշտոնատար անձի՝ իրեն կեղծ անձնագիր տրամադրել։ Առաջադրված մեղադրանքում, սակայն Կանեւսկոյն իրեն մեղավոր չի ճանաչում:
Ավելի վաղ ՀԺ-ն գրել էր, որ Կանեւսկոյը ձերբակալվել է հունիսի 28-ին Հալաբյան փողոցում գտնվող գրասենյակում կատարված խուզարկությունից հետո: