Հայ բազկամարտիկը Թուրքիայում նվաճել է աշխարհի չեմպիոնի կոչումը
12:40 , 16 հոկտեմբեր, 2018Armsport.am-ը գրում է.
Թուրքիայում ընթացող բազկամարտի աշխարհի առաջնության մրցումային առաջին օրը Հայաստանի ներկայացուցիչ, +90կգ քաշային Դավիթ Դադիկյանը երիտասարդների պայքարում ձախ ձեռքով ոսկե մեդալ է նվաճել:
Այս մասին հայտնում է Հայաստանի բազկամարտի ֆեդերացիայի մամուլի քարտուղարությունը:
Նշենք` Դավիթ Դադիկյանն աշխարհի ու Եվրոպայի գործող չեմպիոն է, իսկ Թուրքիայի Անթալիա քաղաքում ընթացող ԱԱ-ի եզրափակչում մեր մարզիկն առավելության է հասել Ղազախստանը ներկայացնող բազկամարտիկ Արտյոմ Մոռոզովի նկատմամբ:
Այսօր` հոկտեմբերի 16-ին, Հայաստանի ներկայացուցիչները պայքարը կշարունակեն աջ ձեռքով: