14:56 , 9 հոկտեմբեր, 2018
Բաղադրիչներ
- բուսայուղ - 3 ճ/գ
- ալյուր - 240 գ
- փխրեցուցիչ - 1 թ/գ
- շաքարավազ - 80 գ
- թթվասեր - 3 ճ/գ
- ձու - 1 հատ
Պատրաստման եղանակը
Սպիտակուցը դեղնուցից առանձնացնում ենք, դեղնուցը 80 գ շաքարավազի և 3 ճ/գ թթվասերի հետ հարում ենք, ավելացնում 3 ճ/գ բուսայուղը և շարունակում ենք հարելը: Ալյուրը փխրեցուցիչի հետ խառնում ենք, լցնում ջրիկ խառնուրդի մեջ, ձեռքով խառնում և հունցում: Հունցված խմորը պետք է կպչի ձեռքերին:
Խմորին 3-4 սմ տրամագծով գլանի ձև ենք տալիս և 1 սմ հաստությամբ կտորների բաժանում:
Կտորները գնդում ենք, տափակեցնում, բլիթի ձև ենք տալիս ու մուրճիկով թեթև հարվածում:
Թավան դնում ենք շատ մարմանդ կրակին ու տաքացնում: Թխվածքաբլիթները շարում ենք չոր թավայի մեջ, թխում ամեն կողմից 3-4 րոպե՝ մինչ վարդագունելը: Տաք վիճակում եզրերը փափուկ են լինում: Ահա և վերջ:
Վայելում ենք:
Թավայի մեջ պատրաստված թխվածքաբլիթ կարելի է մատուցել թեյի հետ: Անուշ լինի։