Ավելի քան 120 հսկա կրիա են առևանգել Գալապագոսյան կղզիներից
13:20 , 6 հոկտեմբեր, 2018Armenpress.am-ը գրում է.
Ավելի քան 120 գալապագոսյան (փղային) կրիա են առևանգել Գալապագոսյան կղզիների ազգային պարկից: «Արմենպրես»-ի փոխանցմամբ՝ այս մասին տեղեկացնում է «ՌԻԱ Նովոստի»-ն:
Գալապագոսյան կղզիների ազգային պարկի տնօրինությունը սեպտեմբերի 27-ին Սանտա Կրուզի դատախազությանը հայտնել է Իսաբելա կղզուց շուրջ 123 կրիաների առևանգման մասին: Կղզու այդ պարկը ստեղծվել է 1993-ին և համարվում է հսկա կրիաների վերարտադրման գոտի:
Իշխանությունները նախաքննություն են իրականացնում՝ պարզելու վայրի բուսական և կենդանական աշխարհի դեմ կատարված հանցագործությունը: