«Ժողովուրդ». Չի բացառվում, որ ուսումնասիրություններից հետո Մ. Գրիգորյանի խափանման միջոցը փոխվի. նրա առողջական վիճակը գնալով վատթարանում է
10:50 , 5 հոկտեմբեր, 2018
«Ինչպես հայտնի է, թավշյա հեղափոխությունից հետո աղմկահարույց գործերի բացահայտման սկիզբն ազդարարվեց ԱԺ պատգամավոր գեներալ Մանվել Գրիգորյանի կալանավորմամբ: Գրիգորյանի առողջական խնդիրների կապակցությամբ Հատուկ քննչական ծառայությունում նշանակվել է դատաբժշկական փորձաքննություն պարզելու համար, թե արդյոք նա ունի՞ առողջական խնդիրներ և, առհասարակ, նրա կալանքը համատեղելի՞ է առողջական խնդիրների հետ, ինչի մասին պնդում էին փաստաբանները:
«ժողովուրդ» օրաթերթին հասած տեղեկությունների համաձայն՝ օրերս ստացվել է փորձաքննության եզրակացությունը: Չի բացառվում, որ քննիչների ուսումնասիրություններից հետո Մանվել Գրիգորյանի խափանման միջոց կալանքը փոխվի, քանի որ նրա առողջական վիճակը գնալով վատթարանում է»,-գրում է թերթը:
Նյութն ամբողջությամբ կարդացեք թերթի այսօրվա համարում: