10:45 , 5 հոկտեմբեր, 2018
Բաղադրիչներ
- պատրաստի շերտավոր խմոր - 700 գ
- ձիթայուղ - 100 գ
- սունկ շամպինիոն - 200 գ
- կարտոֆիլ - 5 հատ (խաշած)
- սոխ - 2 հատ
- պանիր քերած - 100 գ
- ձու - 2 հատ
- պղպեղ սև - ըստ ճաշակի
Պատրաստման եղանակը
Լվանում, կտրատում և տապակում ենք սունկը ձիթայուղի մեջ, ապա ավելացնում ենք սոխը և տապակում ևս 10 րոպե:
Առանձին ամանի մեջ խառնում ենք կտրատված կարտոֆիլը, սև պղպեղը, քերած պանիրն ու տապակած սունկը:
Առանձին ամանի մեջ հարում ենք ձուն:
Շերտավոր խմորը կտրում ենք ուղղանկյունների տեսքով, ծալում գրպանիկների (кулёк) տեսքով, մեջը քսում ենք հարած ձու և լցնում մեկական գդալ միջուկ:
Պատրաստի գրպանիկները շարում ենք տապակի վրա, վրան քսում մնացած հարած ձուն և թխում ջեռոցում 15 րոպե 200 աստիճանում:
Հանում ենք սնկով գրպանիկները ջեռոցից և մատուցում:
Մատուցելուց առաջ զարդարեք սնկով գրպանիկները մաղադանոսի տերևներով:
Ի դեպ, մթերքի այս քանակությունից ստացվում են 6-10 սնկով գրպանիկներ։