09:53 , 29 սեպտեմբեր, 2018
Բաղադրիչներ
- շոկոլադ սև - 110 գ
- կաթնաշոռ - 200 գ
- վաֆլի - 2 հատ
- կարագ - 60 գ
- բանան - 1,5 հատ
Պատրաստման եղանակը
Չափաբաժինները` 4:
Վաֆլե շերտերը բլենդերում մանրացնում ենք։ Կաթնաշոռը պատառաքաղով տրորում ենք։ Կաթնաշոռին վաֆլե փշրանք ենք ավելացնում և լավ խառնում։ 90 գ շոկոլադը կտորների ենք բաժանում և կարագի հետ միասին լցնում ամանի մեջ, որից հետո՝ միկրոալիքային վառարանում հալեցնում։ Լավ խառնում ենք։ Շոկոլադով ու կարագով զանգվածը լցնում ենք կաթնաշոռի վրա, լավ խառնում ենք։ Ըստ անհրաժեշտության կարող ենք մի քիչ էլ շաքարավազ ավելացնել։ Այս աղանդերը կարող եք երկու տարբերակով մատուցել։ Առաջին տարբերակի դեպքում կարող եք զանգվածը տարածել սննդային փաթեթի վրա ու վրան բանան դնել:
Այնուհետև պետք է «երշիկ» ձևավորել և 20 րոպեով դնել սառնարանը։
Մատուցման երկրորդ տարբերակի դեպքում բանանը շրջաններով կտրատում ենք։ Մի փոքր խմոր ենք կտրում և լոշիկ ձևավորում, որի մեջտեղում դնում ենք բանանը։
Այնուհետև գնդիկներ ենք ձևավորում և 20 րոպեով դնում սառնարանը։
Սառնարանից հանելուց հետո մանր քերիչով 20 գ շոկոլադ ենք քերում և պատրաստի գնդիկները կամ «երշիկները» թաթախում շոկոլադի մեջ։
Կարող ենք մատուցել։ Բարի ախորժակ։
Ի դեպ, բանանով աղանդերը կարող ենք մատուցել մեկ բաժակ հյութի կամ սուրճի հետ։