«Հրապարակ». Ավարտուն տեսքի է բերվել Ընտրական նոր օրենսգրքի հայեցակարգը

«Երեկ ավարտուն տեսքի է բերվել Ընտրական նոր օրենսգրքի հայեցակարգը։ Այն այսօր կընդունվի վարչապետին կից բարեփոխումների հանձնաժողովի կողմից։

Հանձնաժողովի քարտուղար Դանիել Իոաննիսյանի խոսքով՝ երկուշաբթի հայեցակարգը կներկայացվի նախ հանրության դատին, ապա երկշաբաթյա ժամկետում կամբողջացվի և կուղարկվի ԱԺ, զուգահեռ՝ Վենետիկի հանձնաժողով։

Նրա վստահեցմամբ՝ առաջիկա ամսում կունենանք նոր ԸՕ․ «Առաջիկա օրերին նաև Վենետիկի հանձնաժողովի ներկայացուցիչներ են Հայաստան գալու, և կարծում եմ, որ նախագիծը կազմելիս կօգտվենք նաև իրենց խորհրդատվությունից»,-գրում է թերթը:

Նյութն ամբողջությամբ կարդացեք թերթի այսօրվա համարում: