Այս արշավն ուղղված է բռնցքամարտի դեմ. Արթուր Գևորգյան
14:40 , 26 սեպտեմբեր, 2018168.am-ը գրում է.
Բռնցքամարտի ֆեդերացիան արտահերթ հավաք-ժողով էր հրավիրել, որտեղ քննարկվեց երկրորդ բռնցքամարտի ֆեդերացիայի (Հայկական բռնցքամարտի ֆեդերացիա) առկայության, ի հայտ եկող խնդիրները:
Լրագրողների հետ զրույցում Ֆեդերացիայի նախագահ Արթուր Գևորգյանը փաստեց, որ այս հանդիպմանը անձամբ հրավիրել է Հայկական բռնցքամարտի ֆեդերացիայի ներկայացուցիչներին, սակայն ոչ մեկը չի ներկայացել: «Այս արշավն ուղղված է բռնցքամարտի դեմ, քանի որ ոչ մի պատճառ չեմ տեսնում, որ ուղղված լինի իմ դեմ: Ես ոչ մի ոտնձգություն թույլ չեմ տա ֆեդերացիայի նկատմամբ»,-ասաց նա:
Ֆեդերացիայի նախագահի խոսքով` կանոնակարգված գործողությունների արդյունքում լինում են նաև դժգոհողներ: «Տոտալ վերահսկողություն կա մյուս բոլոր մարզաձևերում՝ բացառությամբ ֆուտբոլի, շախմատի և բռնցքամարտի»,-շեշտեց Գևորգյանը:
Վերջինս փաստեց նաև, որ իրեն աջակցում են ՀԱՕԿ-ի նախկին երկու նախագահները` Ալեքսան Սարգսյանը և Բենուր Փաշայանը: