Պոչետինոն չի բացառել, որ հաջորդ շաբաթ կարող է հեռացվել Տոտենհեմից
14:00 , 21 սեպտեմբեր, 2018Armsport.am-ը գրում է.
«Տոտենհեմի» գլխավոր մարզիչ Մաուրիսիո Պոչետինոն հնարավոր է համարում այն, որ արդեն հաջորդ շաբաթ կարող է հեռացվել լոնդոնյան ակումբից:
«Տոտենհեմն» ԱՊԼ-ում պարտվել է «Ուոթֆորդին» և «Լիվերպուլին, իսկ Չեմպիոնների լիգայում` «Ինտերին».
«Չեմ պատրաստվում քննադատել ակումբին, ես կաջակցեմ նրան: Բոլոր որոշումները, որ մենք կայացրել ենք ամռանը, կատարել ենք միասին:
Ես մինչև վերջ «Տոտենհեմի» հետ կլինեմ: Գուցե` ևս 5 տարի աշխատեմ այստեղ, գուցե` արդեն հաջորդ շաբաթ հեռացվեմ: Ցանկացած պարագայում ես լավը կխոսեմ այս թիմի մասին և կօգնեմ մրցաշրջանի խնդիրները լուծելու հարցում:
Եթե մենք հետագայում էլ պարտություն կրենք, ապա ճնշումն ավելի կուժեղանա, իսկ ես կլինեմ առաջինը, ով պատասխան կտա արդյունքների համար»,- Պոչետինոյի խոսքերն է փոխանցում «Mirror»-ը: