Վաղը վերջին զանգն է, անփորձանք մուտք գործեք նոր կյանք

Վաղը վերջին զանգ է, վերջին դաս, վերջին դպրոցամուտ, որին ավելի հավանական է, որ փոխարինելու կգա բուհը, ուսանողական հետաքրքիր կյանքը՝ իր դրական ու բացասական կողմերով (դասից փախնելը, վարձը մուծել - դասին չնստելը, փող տալ՝ ստանալը և այլն, և այլն):  
Մի խոսքով վաղվա միջոցառումները իրենց յուրատիպությամբ, պաթոսով ու էնտուզիազմով լի ցերեկույթներով, ասմունքներով ու հուզումներով միշտ ուղեկցվել են նաև այսպիսի սցենարով` պապայից կամ եղբորից մեքենան վերցնել, դասարանի սիրուն աղջիկներին նստացնել մեջը ու մեքենան վարել իր հնարավորություններին համապատասխան, ճիշտ այնպես, ինչպես որ վարում են նոր արտադրած մոդելը փորձարկումների ժամանակ: Այնինչ կարելի է անփորձանք մուտք գործել կյանքի այդ նոր փուլը: 
Բացասական երանգները մի կողմ: Բոլոր շրջանավարտներին սրտանց ուղղում եմ իմ ՇՆՈՐՀԱՎՈՐԱՆՔՆԵՐԸ` ցանկանալով նորանոր ձեռքբերումներ ու նպաստավոր գործունեություն ի շահ հայրենիքի ու պետության: