Պարզվում է՝ բույսերը ևս զգում են ցավ, որն ապացուցում է այս տեսանյութը․ հետաքրքիր բացահայտում (Video)

Երբ մարմնի վրա վնասվածք ենք ստանում, մեր ցավային ընկալիչներն այդ ազդակները շատ արագ հաղորդում են գլխուղեղին, որից հետո էլ մենք զգում ենք ցավ։ Այս ողջ գործընթացը չափազանց արագ է կատարվում։ Վերջերս գիտնականները պարզել են, որ ոչ միայն մարդիկ ու կենդանիները, այլ նաև բույսերն են զգում ցավ։

Վինսկոնսին-Մեդիսոն համալսարանում իրականացված հետազոտության համաձայն՝ երբ բույսը վնասվում է, վնասման կետից բույսի ողջ մակերեսով ազդակներ են տարածվում, որոնք շատ նման են մարդկանց և կենդանիների օրգանիզմում տարածվող ցավի ազդակներին։

Միաժամանակ հարկ է նշել, որ բույսերը չունեն նյարդային համակարգ, բայց հետազոտողների կողմից կատարված այս տեսաձայնագրությունից պարզ է դառնում, որ դրանք ունեն նյարդային համակարգի սեփական, հավանաբար առավել պարզ համակարգը, որի միջոցով էլ զգում են «ցավը»։ Ահա լյումինեսցենտային լույսի տակ արված տեսաձայնագրությունը, որում վնասատուն կրծելով ուտում է բույսը՝ դրան պատճառելով «ցավ», որը հաղորդվում է գլյուտամատանման հաղորդիչների միջոցով։

Հետազոտողները կատակով անհանգստանում են՝ այս պարագայում ինչո՞վ են պատրաստվում սնվել բուսակերները։