ՀՀ փոխվարչապետերը Կապանի ՔՊ գրասենյակի բացմանը գնացել են իրենց պետական մեքենաներո՞վ. բաց նամակ Էդուարդ Աղաջանյանին
11:02 , 17 սեպտեմբեր, 2018Բաց նամակ ՀՀ կառավարության աշխատակազմի ղեկավար Էդուարդ Աղաջանյանին
Հարգելի պարոն Աղաջանյան,
ՀՀ փոխվարչապետերը Արցախ այցից հետո ներկա են գտնվել Կապանի ՔՊ գրասենյակի բացմանը (համացանցում տարածվել են լուսանկարներ)։
Այժմ անցնեմ բաց նամակիս բուն իմաստին։
Խնդրում եմ՝ հանրությանը ներկայացնեք՝ արդյո՞ք ՀՀ փոխվարչապետերը Կապան են գնացել իրենց ամրացված պետական մեքենաներով։
Եթե այո, ապա ինչո՞ւ են պետական մեքենաներն օգտագործվում կուսակցական գործունեության շրջանակներում։
Եթե այո, ապա խնդրում եմ՝ ասեք՝ արդյոք վառելիքը տրամադրվել է և «սղցվել է» Արցախ կատարած այցի բյուջեի մեջ։
Կանխավ շնորհակալ եմ։
Հ.Գ. Հարգելի լրագրողներ, հուսամ, երբ ես՝ ֆեյքս, պատասխան չստանամ, դուք պաշտոնական հարցում կանեք։