Չափաբաժինները՝ 6:
Պատրաստում ենք կարտոֆիլի միջուկը: Հնդկաձավարը մաքրում ենք, լվանում և մի քիչ ջրում եփում: Կարտոֆիլները կիսով չափ եփում ենք: Սխտորը մաքրում ենք, խոշոր կտրատում, բուսայուղի մեջ տապակում, այնուհետև հանում ենք բուսայուղից: Նույն բուսայուղի մեջ ենք լցնում սոխն ու տապակում ենք, մինչև դառնա կիսաթափանցիկ: Սոխի վրա ավելացնում ենք քերած գազարը և տապակում ենք:
Ստացած զանգվածը խառնում ենք հնդկաձավարի շիլայի հետ:
Ավելացնում ենք մաղադանոսը, պաքսիմատն ու աղը և խառնում ենք:
Կարտոֆիլը մաքրում ենք և մեջտեղի հատվածը հանում:
Հնդկաձավարը լցնում ենք կարտոֆիլի մեջ, իսկ ավելացած խճողակը՝ ձևամանի մեջ:
Կարտոֆիլները շարում ենք ձևամանի մեջ: 1 պճեղ ճզմած սխտորը 2-3 ճ/գ բուսայուղի հետ խառնում ենք և լցնում կարտոֆիլների վրա:
Կարտոֆիլով ձևամանը դնում ենք 200 աստիճան տաքացրած ջեռոցը և 20-30 րոպե եփում: