Գիտնականները պատմել են, թե ինչով է վնասակար քնկոտությունը
19:09 , 10 սեպտեմբեր, 2018Ջոն Հոփքինսի Համալսարանի գիտնականները պարզել են, որ քնի խանգարումներով մարդկանց մոտ Ալցհեյմերի հիվանդության զարգացման հավանականությունը երեք անգամ ավելի մեծ է։
Ինչպես հաղորդվում է համալսարանի կայքում՝ 123 կամավորներ 16 տարիների ընթացքում պատմել են, թե արդյոք օրվա ընթացքում պառկելու կամ ննջելու ցանկություն ունենում են, թե՝ ոչ ։ Դրանից հետո գիտնականները ստուգել են նրանցից յուրաքանչյուրի ուղեղի ակտիվությունը։
Արդյունքում պարզվել է, որ ցերեկը քնելու սիրահարների մոտ երեք անգամով ավելի ակտիվ է սպիտակուց արտադրվում, ինչի պատճառով էլ զարգանում է Ալցհեյմերի հիվանդությունը։
Հարկ է նշել, որ ներկայումս չկա այս հիվանդության բուժման էֆեկտիվ միջոց։ Գիտնականները գտնում են, որ անհրաժեշտ է կատարելագործել հիվանդության կանխարգելման միջոցները, այդ թվում քնի խանգարումների բուժման միջոցով։