Հայտնի է Փաշինյան-Պուտին հանդիպման օրը
12:42 , 4 սեպտեմբեր, 2018Հայաստանի Հանրապետության վարչապետ Նիկոլ Փաշինյանն ու Ռուսաստանի Դաշնության նախագահ Վլադիմիր Պուտինը սեպտեմբերի 8-ին կհանդիպեն Մոսկվայում: Կողմերը բարձր մակարդակի հայ-ռուսական բանակցություններ կունենան:
Այդ մասին տեղեկությունը գործակալությանը հաստատել է ՌԴ նախագահի մամուլի խոսնակ Դմիտրի Պեսկովը:
Սա կլինի Ն. Փաշինյանի երրորդ այցը Ռուսաստան. ավելի վաղ նա Պուտինի հետ հանդիպել էր մայիսի 14-ին Սոչիում՝ Եվրասիական տնտեսական միության անդամ երկրների ղեկավարների գագաթնաժողովին, ապա՝ հունիսի 13-ին Մոսկվայում՝ ֆուտբոլի Աշխարհի առաջնության բացման արարողության շրջանակում: