Երևանի քաղաքապետարանում տրանսպորտի թանկացման հարց չի քննարկվել ու չի քննարկվում
16:02 , 21 մայիս, 2013
Հարգելի համաքաղաքացիներ և գործընկերներ
Քիչ առաջ սոցիալական ցանցերով «ՇՏԱՊ» գուժող վերտառությամբ այսպես կոչված «լուրը» այն մասին, թե հունիսի 1-ից հասարակական տրանսպորտի ուղեվարձը թանկանալու է, չի համապատասխանում իրականությանը: Մասնավորապես Երևանի քաղաքապետարանում նման հարց չի քննարկվել ու չի քննարկվում:
Հորդորում եմ բոլորին զերծ մնալ սույն ապատեղեկատվությունը տարածելուց և անհարկի խուճապ ստեղծելուց:
Հարգանքով՝ Քաղաքապետարանի աշխատակազմի տեղեկատվության և հասարակայնության հետ կապերի վարչության պետ` Արթուր Գևորգյան