Նրբահամ ու գեղեցիկ ռուլետներ, որոնք հիանալի տարբերակ կարող են լինել ֆուրշետի սեղանի համար

11:59 , 1 սեպտեմբեր, 2018

Բաղադրիչներ

Խմորի համար՝
ձու - 3 հատ
ալյուր - 2 ճ/գ
կակաո - 2 ճ/գ
փխրեցուցիչ - 1/2 թ/գ
շաքարավազ - 2 ճ/գ
Միջուկի համար՝
պանիր մասկարպոնե - 200 գ (կարելի է փոխարինել կաթնաշոռով)
կարագ - 100 գ
շաքարի փոշի - 2 ճ/գ
Վրան շաղ տալու համար՝
շաքարի փոշի - 1/2 ճ/գ
դարչին - 1/2 ճ/գ

Պատրաստման եղանակը

Առանձնացնել ձվի սպիտակուցը դեղնուցից: Սպիտակուցին ավելացնել շաքարավազը և հարել մինչև փրփուրի առաջացումը: Ավելացնել նաև դեղնուցները և շարունակել հարելը:
mini-ruletner-2

Առանձին ամանի մեջ խառնել ալյուրը, կակաոն և փխրեցուցիչը, ապա անցկացնել մաղով: Մաս առ մաս լցնել ձվով զանգվածի վրա և զգուշությամբ խառնել մինչև միատարր հարթ խմորի առաջացումը:
Ստացված խմորը լցնել պերգամենտային թղթով պատված տապակի վրա: Թխել ջեռոցում 10 րոպե 200 աստիճանում:
mini-ruletner-3

Պատրաստի բիսկվիթը զգույշ շրջել խոնավ սրբիչի վրա: Պերգամենտային թուղթը նույնպես խոնավեցնել շատ քիչ, ապա զգուշությամբ առանձնացնել բիսկվիթից: Բիկսվիթը կտրել 2 մասի:
mini-ruletner-4

Ապա բիսկվիթները սրբիչով զգույշ փաթաթել ռուլետի նման, որպեսզի թեթևակի կլորանան: Թողնել՝ բիսկվիթները սառչեն այդ վիճակում:

Կրեմի պատրաստման համար լավ հարել միջուկի համար նախատեսված բոլոր բաղադրիչները մինչև միատարր հարթ զանգվածի առաջացումը:

Այնուհետև բիսկվիթների ողջ տարածքով տարածել կրեմը:

Ռուլետի նման փաթաթել և տեղափոխել սառնարան 1 ժամով:
mini-ruletner-6

Պատրաստի ռուլետները կտրատել: 1/2 ճ/գ դարչինը և շաքարավազը խառնել և շաղ տալ մինի ռուլետների վրա:
mini-ruletner-7

Ի դեպ, որպես այլընտրանքաին տարբերակ՝ այս մինի ռուլետները կարելի է պատրաստել ցանկացած այլ միջուկով՝ ձեր սիրելի կրեմով, ջեմով կամ մրգային խյուսով:
Կարծում եմ՝ այս ռուլետները պարզապես հիանալի կնայվեն հատկապես ֆուրշետային սեղաններին՝ իրենց փոքրիկության և նրբաճաշակության հաշվին։