Առողջապահության նախարարն աչք է փակում հոգեբուժարանի տնօրենի ապօրինությունների վրա. «Իրավունք»
10:40 , 31 օգոստոս, 2018«Նորք» և «Նուբարաշեն» հոգեբուժական կենտրոնների վերակազմակերպման արդյունքում ստեղծված Հոգեկան առողջության պահպանման ազգային կենտրոնում իսկական գժանոց է տիրում: Սակայն խնդիրը կապված է ոչ թե հիվանդների, այլ ղեկավարության հետ:
Մամուլում վերջերս շատ է խոսվել աշխատողների նկատմամբ Հոգեկան առողջության պահպանման ազգային կենտրոնի տնօրենի ժամանակավոր պաշտոնակատար Նարեկ Վանեսյանի վատ պահվածքի մասին:
Մինչդեռ այդ ամենից տեղյակ լինելով՝ ՀՀ առողջապահության նախարար Արսեն Թորոսյանն աչք է փակում, իսկ աշխատանքային մթնոլորտը կենտրոնում գնալով ավելի ու ավելի անտանելի է դառնում:
Մեր ունեցած հավաստի աղբյուրների համաձայն, հոգեբուժարանի կոլեկտիվը ահ ու սարսափի մեջ է, իսկ նոր ղեկավարությունն իրեն զգում է այնպես, ինչպես Հիտլերը ֆաշիստական Գերմանիայում: Գուցեև այս ամենն արժանահավատ չթվար, եթե «Իրավունքի» ձեռքում չհայտնվեր մի տեսանյութ, որտեղ Ն. Վանեսյանը վատ խոսքեր է հնչեցնում աշխատողների հասցեին, ապա հրում նրանցից մեկին: