Միայն տեսեք, թե ինչպես են 50 գաղթականներ հասնում Իսպանիայի ափերից մեկը ու սկսում վազել զբոսաշրջիկների աչքի առջև (Video)

Իսպանիայի զբոսաշրջիկներն ապշած էին մնացել, երբ տեսել են, թե ինչպես են մի խումբ գաղթականներ տեղակայվել տուրիստական շատ շքեղ ծովափերից մեկում:

Դեպքը տեղի է ունեցել Սանկտի-Պետրի զբոսաշրջային առողջարաններից մեկում, որտեղ կան խանութներ, ռեստորաններ և մի քանի թանկարժեք հյուրանոցներ:

Հանգստացողները զարմացած հետևում էին, թե ինչ է կատարվում այնտեղ: 

Գաղթականներից 50-ին բռնել են, և նրանք, ինչպես պարզվեց, Մարոկկոյից են, սակայն մնացածին հաջողվել է փախչել և մնալ Իսպանիայում:

Տեղի ԶԼՄ-ները հայտնում են, որ Անդալուսիայի ափ 500 միգրանտ է եկել:

Երեկ ծովափնյա փրկարարները փրկել են ավելի քան 60 գաղթականի Ջիբրալթարի նեղուցում: Նշենք, որ անցյալ շաբաթ Իսպանիան Մարոկկո է ուղարկել ավելի քան 116 գաղթականի, քանի որ նրանք ապօրինի էին եկել Իսպանիա:

Նրանց քանակը հասնում էր 20 992-ի: