15:20 , 28 օգոստոս, 2018
Բաղադրիչներ
- կարագ - 150 գ
- ալյուր - 300 գ
- ջուր - 7 ճ/գ
- աղ - 1 պտղունց
- դդմիկ՝ ցուկինի տեսակի - 2 հատ
- գազար - 2 հատ
- քերած պանիր - 150 գ
- ձու - 4 հատ
- կաթ - 300 մլ
- սխտոր - 2 պճեղ
Պատրաստման եղանակը
Սառեցրած կարագը խառնում ենք ալյուրի հետ և սկսում կտրատել մինչև մաքսիմալ մանրանալը, ապա ավելացնում ենք աղը, սառը ջուրը և հունցում խմորը: Այնուհետև տեղադրում ենք խմորը կլոր տապակի մեջ և ձեռքերով սեղմելով տարածում այն տապակի հատակին և պատերին:
Հավասարապես բարակ շերտերով կտրատում ենք գազարը և դդմիկը:
Ապա կտրատված բանջարեղենները տեղադրում ենք տապակի մեջ:
Ձուն թեթևակի հարում ենք կաթի հետ, ավելացնում ճզմած սխտորը: Ստացված սոուսը լցնում ենք բանջարեղենների վրա, ապա վրան շաղ տալիս քերած պանիրը:
Եփում ենք ջեռոցում մոտ 1 ժամ 180 աստիճանում:
Օրիգինալ բանջարեղենային ուտեստ՝ տորթի տեսքով: