Գոյություն ունեն 20-ից ավելի հիվանդություններ, որոնց դեպքում հնարավոր է յոդի ցանցի օգնությամբ թեթևացնել մարդու վիճակը: Յոդի ցանցի օգնությամբ հնարավոր է՝
• Բացահայտել օրգանիզմում յոդի դեֆիցիտը
• Բուժել հազը
• Հաղթահարել հարբուխն ու մրսածությունը
• Արագացնել վերքերի ապաքինումը
Ինչպես անել յոդով ցանց
Յոդով ցանց՝ օրգանիզմում յոդի պակասի դեպքում
Ըստ վիճակագրության՝ երկրագնիդի գրեթե յուրաքանչյուր 3-րդ մարդ տառապում է օրգանիզմում յոդի դեֆիցիտից, որն էլ և դառնում է վահանագեղձի պաթոլոգիայի պատճառ, իսկ հղի կանանց համար կարող է դառնալ ֆիզիկական ու մտավոր թերություններով երեխաների ծնվելու պատճառ: Որպեսզի կարողանաք հասկանալ՝ արդյոք օրգանիզմին մթերքներից ստացված յոդի քանակությունը բավարար է, հարկավոր չէ անալիզ տալ, բավական է ընդամենը կատարել յոդի ցանց:
Նրանք, ովքեր ցանկանում են արագ բուժվել մրսածությունից, կարող են օգտվել յոդի ցանցից: Այս դեպքում հարկավոր է բարակ գծերով յոդի ցանց անել կա՛մ քթարմատի, կա՛մ քթի թևերի (քթի ստորին կողմնային մասեր) վրա: Հարկավոր է շատ զգուշորեն գործել, քանի որ դեմքի վրա, ինչպես և պարանոցի վրա բավականին մեծ է յոդից այրվածքներ ստանալու հավանականությունը:
Եթե կապտուկներից ազատվելը դարձել է ձեզ համար խնդիր, ապա կարող եք օգտվել յոդից, մասնավորապես՝ յոդի ցանցից: Սակայն այն չի կարելի օգտագործել վնասվածք ստանալուց անմիջապես հետո, այն խորհուրդ է տրվում կատարել վնասվածք ստանալուց մեկ օր հետո: Խնդիրն այն է, որ անգամ թեթև վնասվածքն ուղեկցվում է հյուսվածքների այտուցվածությամբ, իսկ յոդի գրգռող ազդեցությունը չի նպաստի վերջինիս ներծծմանը:
Նման դեպքերում առավել արդյունավետ է նախ՝ վնասվածքի հատվածի վրա ազդել կտորի մեջ փաթաթված սառույցի կտորով, և միայն հաջորդ օրը վնասնածքը մշակել յոդով:
Այն կանանց, ովքեր պատրաստվում են մայրանալ, խորհուրդ է տրվում օգտվել յոդի ցանցից՝ օրգանիզմում յոդի դեֆիցիտը լրացնելու համար: Բացի այդ՝ այն կօգնի պայքարել մրսածության ախտանշանների դեմ, քանի որ հղիներին ոչ բոլոր դեղամիջոցներն են թույլատրելի: