Երևանում պահանջում են Ռոբերտ Քոչարյանի գործով արդար դատավարություն

ՀՀ վարչապետի նստավայրի մոտ մի խումբ քաղաքացիներ անց են կացնում բողոքի ակցիա՝ պահանջելով Հայաստանի նախկին նախագահ Ռոբերտ Քոչարյանի գործով արդար դատավարություն։ Ցույցի մասնակիցները հանդես են եկել «Պարոն Փաշինյան, թույլ մի տվեք, որ ճնշում գործադրվի արդարադատության վրա» գրությամբ պաստառով։ Հավաքվածները պահանջում էին վարչապետից իր իսկ թիմի ինքնակոչիկներին և սադրիչներին թույլ չտալ դատարանի վրա ճնշում գործադրելով խոչընդոտել արդար և անկողմնակալ դատավարությանը։