Ուկրաինայի ԱԳՆ-ն բողոքի նոտա է հղել ՌԴ նախագահ Վլադիմիր Պուտինի՝ Ղրիմ այցելելու կապակցությամբ: Պուտինը Ղրիմ էր այցելել օգոստոսի 4-ին և ներկա էր գտնվել մի երաժշտական փառատոնի բացման արարողությանը:
«Ուկրաինայի ԱԳՆ-ն բողոքի նոտա է հղում ՌԴ կողմից ժամանակավոր գրավյալ ուկրաինական տարածք հանդիսացող Ղրիմի Ինքնավար Հանրապետություն և Սեվաստոպոլ՝ ՌԴ նախագահ Վլադիմիր Պուտինի այցի առընչությամբ, որը հերթական անգամ չի համաձայնեցվել ուկրաինական կողմի հետ»,- ասված է ԱԳՆ պաշտոնական հաղորդագրությունում: