Panorama.am-ը գրում է.
Ամերիկացի գիտնականները պարզել են, որ նարգիլեի վնասն առողջությանը համարժեք է սովորական ծխախոտի վնասին։ Լենտա.ռու-ի հաղորդմամբ, հետազոտությունը հրապարակվել է American Journal of Cardiology ամսագրում, այդ մասին համառոտ տեղեկացնում է Կալիֆորնիայի համալսարանը։
Մասնագետները պարզել են, որ նարգիլե ծխելու մեկ սեանսը ավելացնում է սրտի հարվածների հաճախակիությունը րոպեում 16-ով և բարձրացնում է զարկերակային ճնշումը։ Բացի դրանից, նարգիլեի օգտագործումը մեծացնում է զարկերակային կոշտության ցուցիչը, որը սիրտ-անոթային հիվանդությունների զարգացման ռիսկի գլխավոր գործոններից է։
Նման եզրակացությունների գիտնականները եկել են գիտափորձի միջոցով, որին մասնակցել է 18-34 տարեկան 48 կամավոր։ Նրանց առաջարկել են ծխել կես ժամ։ Դրանից առաջ և հետո մասնագետները ստուգել են սրտի աշխատանքի ռիթմը, զարկերակային ճնշումը և արյան մեջ նիկոտինի մակարդակը։
Ամբողջական հոդվածը կարող եք կարդալ այստեղ։