Նրա խոսքով՝ կանթամթերքներում առկա ճարպաթթուն կարող է նվազեցնել սրտանոթային հիվանդություններից, հատկապես՝ կաթվածից մահվան հավանականությունը։
Պանիրը, սերուցքային կարագը և կաթը սրտի համար վտանգ չեն ներկայացնում
17:20 , 28 հուլիս, 2018Տեխասի համալսարանի գիտնականների նոր ուսումնասիրությունը ցույց է տալիս, որ յոգուրտի, պանրի, սերուցքային կարագի ու կաթի մեջ առկա ճարպերի հագեցվածությունը չի մեծացնում սրտանոթային հիվանդությունների զարգացման հավանականությունը։ Ավելին, այդ մթերքները սննդակարգում ներառելը նույնիսկ կարող է առավելություններ ունենալ։ Պարզվել է, որ կաթնամթերքի գործածության հետևանքով կաթվածից մահվան հավանականությունը նվազում է 42 տոկոսով։
«Մեր արդյունքները ոչ միայն հաստատում են, այլև զգալիորեն ամրապնդում են ավելացող ապացույցները, որոնք վկայում են այն մասին, որ կաթնայուղը տարեց մարդկանց շրջանում չի նպաստում սրտանոթային հիվանդությունների առաջացմանը կամ մահացությանը»,-ասել է բժիշկ Մարսիա Օոտոն։