Armsport.am-ը գրում է.
Գերմանիայի կանցլեր Անգելա Մերկելի խոսնակ Շտեֆեն Զայբերդը մեկնաբանել է ծագումով Թուրքիայից Մեսութ Օզիլի հեռացումը Գերմանիայի ֆուտբոլի հավաքականից։
Ինչպես փոխանցում է CNN Turk-ը, Մերկելի խոսնակը շեշտել է, որ Օզիլը մեծ ներդրում է ունեցել Գերմանիայի հավաքականի հաջողություններում։
«Մեսութ Օզիլը շատ բան է արել հավաքականի համար։ Մենք հարգում ենք նրա որոշումը»,- նշել է գերմանացի պաշտոնյան։
Հիշեցնենք, որ նախօրեին հայտնի է դարձել, որ Օզիլը լքում է Գերմանիայի ազգային հավաքականը։
Խոսելով իր այդ որոշման մասին՝ նա ասել է․ «Երբ հաղթում եմ, գերմանացի եմ, երբ պարտվում՝ ներգաղթյալ»։