Բարսելոնան բաց չի թողնի Ուսման Դեմբելեին
14:20 , 21 հուլիս, 2018Armsport.am-ը գրում է.
Այն լուրերը, թե «Բարսելոնայի» հարձակվող Ուսման Դեմբելեն առաջարկվել է «Չելսիին», կամ կարող է վարձավճարով տեղափոխվել «Արսենալ», իրական չեն:
«Mundodeportivo»-ն հայտնում է, որ կատալոնական ակումբի ղեկավարները չեն քննարկի ոչ մի առաջարկ Դեմբելեի հետ կապված: 21-ամյա ֆրանսիացին հաջող մրցաշրջան չանցկացրեց անցած տարի, դրա պատճառն իհարկե վնասվածքն էր:
Հիշեցնենք, որ Դեմբելեն անցած տարի էր տեղափոխվել «Բարսելոնա» Դորտմունդի «Բորուսիայից» 105 մլն եվրոյի դիմաց: