Ուկրաինայում առևանգված թուրք լրագրողը Պոլսում կալանավորվել է
13:50 , 20 հուլիս, 2018Yerkir.am-ը գրում է.
Թուրքական հատուկ ծառայությունների կողմից Ուկրաինայի տարածքում առևանգված թուրք լրագրող Յուսուֆ Ինանը բերվել է Պոլիս ու կալանավորվել:
Ըստ DHA-ի` ինչպես Թուրքիայի մյուս քաղաքացի Սալիհ Զեքի Յիղիթը, այնպես էլ Ինանը
մեղադրվում են Թուրքիայում 2016 թվականի հուլիսին տեղի ունեցած հեղաշրջման փորձի կազմակերպիչների հետ կապի մեջ:
Ինանը չի ընդունել իրեն առաջադրված մեղադրանքները: «Հաղորդեք նախագահին, որ սա արդարադատության կոտորած է», - ասել է նա:
Ուկրաինան դեռևս չի արձագանքել դեպքին: