ԵՄ-ն ողջունում է Հայաստանում կատարված փոփոխությունները և պատրաստ է օգնել բարեփոխումներին. Դեսպան
15:30 , 16 հուլիս, 2018Panorama.am-ը գրում է.
ՀՀ վարչապետ Նիկոլ Փաշինյանի Բրյուսել կատարած այցի ժամանակ Եվրամիության բարձրագույն պաշտոնյաների ուղերձը հստակ էր՝ ԵՄ-ն ողջունում է Հայաստանում կատարված փոփոխությունները և պատրաստ է օգնել բարեփոխումներին։ Այս մասին այսօր լրագրողների հետ հանդիպման ժամանակ ասաց Հայաստանում ԵՄ պատվիրակության ղեկավար, դեսպան Պյոտր Սվիտալսկին:
«Դրանք հստակ, ուժեղ և բարեկամական ուղերձներ էին, որոնք փոխանցվել էին Հայաստանի վարչապետին բոլոր հանդիպումների ընթացքում։ Ես հասկանում եմ, որ վարչապետը հնարավորություն ուներ արտահայտել իր սեփական ուղերձները ԵՄ բարձրաստիճան պաշտոնյաներին։ Հայաստանում մենք կաշխատենք կառուցողական մոտեցմամբ այս հռչակագիրը գործողությունների վերածել: Ես պարտավոր եմ հասկանալ, թե ինչպես կարող ենք կոնկրետ գործողություններով աջակցել ՀՀ կառավարության բարեփոխումներին»,- ասաց դեսպանը:
Անդրադառնալով Նիկոլ Փաշինյանի այն հայտարարությանը, թե ՀՀ-ում տեղի ունեցած փոփոխություններից հետո ԵՄ քաղաքականությունը Հայաստանի հանդեպ չի փոխվել, Պյոտր Սվիտալսկին նշեց, որ շատ բաց են լսելու այն ակնկալիքները, որոնք ունի ՀՀ կառավարությունը:
Ամբողջական հոդվածը կարող եք կարդալ այստեղ