Իրանն ԱՄՆ-ի դեմ բողոք է ներկայացրել ՄԱԿ-ի Միջազգային դատարան միակողմանի պատժամիջոցների պատճառով
17:20 , 16 հուլիս, 2018168.am-ը գրում է.
Իրանն ԱՄՆ-ի դեմ բողոք է ներկայացրել ՄԱԿ-ի Միջազգային դատարան միակողմանի պատժամիջոցների կրկնական սահմանման պատճառով: Հուլիսի 16-ին այս մասին Twitter-ի՝ իր էջում հայտնել է Իրանի արտաքին քաղաքական գերատեսչության ղեկավար Մոհամադ Ջավադ Զարիֆը։
«Այսօր Իրանը բողոք ներկայացրեց ՄԱԿ-ի Միջազգային դատարան, որպեսի ԱՄՆ-ին պատասխանատվության ենթարկի միակողմանի պատժամիջոցների ապօրինի կրկնական սահմանման համար: Իրանը կողմնակից է օրենքի գերիշխմանը՝ չնայած ԱՄՆ-ի կողմից դիվանագիտության եւ իրավական հանձնառությունների չհարգմանը: Անհրաժեշտ է դիմակայել միջազգային իրավունքը խախտելու՝ նրա սովորությանը»,- ասված է նրա խոսքում, հաղորդել է ՏԱՍՍ-ը: