Պաշտոնական. Ալաշկերտի խորվաթ պաշտպանը կարիերան կշարունակի Հունգարիայում
11:20 , 6 հուլիս, 2018Armsport.am-ը գրում է.
«Ալաշկերտի» 28-ամյա խորվաթ պաշտպան Դինո Շկվորցը կարիերան կշարունակի Բուդապեշտի «Հոնվեդ» ակումբում:
Հունգարական ակումբի հետ ֆուտբոլիստը 2+1 ձևաչափով պայմանագիր է կնքել, հայտնում է «Հոնվեդի» պաշտոնական կայքը:
Նշենք` «Ալաշկերտի» մամուլի քարտուղարությունը Շկվորցի տեղափոխության մասին դեռևս չի հայտարարել:
Շկվորցը ձմեռային տրանսֆերային պատուհանի ընթացքում էր միացել «Ալաշկերտին» և Հայաստանի առաջնության գարնանային հատվածում երևանյան ակումբի կազմում 11 հանդիպման է մասնակցել:
«Ալաշկերտը», հիշեցնենք, պատրաստվում է Չեմպիոնների լիգայի որակավորման առաջին փուլին, որի շրջանակում կմրցի շոտլանդական «Սելթիկի» հետ: